Les mots surlignés font l'objet d'une note
1Monseigneur, hier au soir sur lheure de souper, jarivey icy de retour
2de mon voyage de Provence où jay faict la plus part de ma
3demeurance au lieu de Draguignan, si à lescart et mal à propos
4pour envoier ou recepvoir dicy novelles, que durant ung moys
5que je y ay demeuré, il ne cest presenté aulcune commodité pour
6vous faire entendre des novelles que je y aprenois,
7mesmes de larmée du seigneur Jehan [baré : d’Ostria] d’Austria, desquelles
8et de toutes aultres, ayant sceu ce jourdhuuy que vous
9avés esté tropt mieux informé, je ne vous en feray aultre
10discours par la presente pour ne vous servir danuy. Jay treuvé
11icy à mon arrivée deux lettres de monsieur le president Bellièvre.
12Lune du XXVIIIe juing et laultre du XXe jullet dernier
13passé, par lesquelles il me prie entre aultre choses de moienner
14que monsieur le general Chefdebien aye ung oyseau pour les
15bons offices et affectionnée volunté quil a declaré à nous
16faire delivrer nostre sel, surquoy, monseigneur, je vous suplieray
17très humblement prendre de bonne part si je vous prie de me
18donner le moyen que je pourrey avoyr pour en recouvrer ung
19ou deulx en les bien payant. Au surplus, monseigneur, je vous
20mercie très humblement, et à madame de Gordes aussi, des biens
21faictz que ma femme a receup de vous seigneuries. Elle est
22encores faschée de sa descente, mays non pas tant que du
23costume. Elle et moy vous presentons noz très humbles
24recommandations à vous bonnes graces,
25Monseigneur, priant Dieu que en bonne santé vous doint très longue
26et eureuse vie. De Grenoble, ce VIe daoust 1572
27Vostre très humble et obeissant serviteur
28Sev[erin] Odoard
29Je vous envoie lune des lettres dudit sieur president Bellievre.